मिलनचोकमा सवारी दुर्घटना, एकको मृत्यु, एक घाइते

चितवन / चितवनको भरतपुर महानगरपालिका–९, मिलनचोकमा ग्यास बुलेट र सोही दिशाबाट आइरहेको मोटरसाइकल एक आपसमा ठोक्किँदा एक जना मृत्यु भएको छ ।
टाँडीबाट भरतपुर आउने क्रममा करिब पौने ३ बजे एनएल०१एबी९२३५ नम्बर को ग्यास बुलेट र सोही दिशाबाट आइरहेको लु४२प ९७१५ नम्बरको मोटरसाइकल एक आपसमा ठक्कर खाँदा एक जना मृत्यु भएको र अर्का एकजना घाइते भएको जिल्ला प्रहरी कार्यालय चितवनमा प्रवक्ता डिएसपी सूर्य थापाले जानकारी दिए ।
प्रवक्ता थापाका अनुसार टाँडीबाट भरतपुर आउने क्रममा ग्यास बुलेटलाई सोही दिशाबाट आइरहेको मोटरसाइकलले ओभर टेक क्रममा बुलेटको बिच भागमा ठोक्किन गई दुर्घटना भएको बताए । राप्ती नपा ५ बस्ने मोटरसाइकल चालक वर्ष ४८ का घाइते खडकबहादुर सुनारको चितवन मेडिकल कलेजमा उपचार भइरहेको र अर्का सवार उनका छोरा वर्ष २४ का मनोज सुनारको उपचारका लागि ल्याउँदै गर्दा बाटैमा मृत्यु भएको प्रवक्ता थापाले भने ।
उक्त दुर्घटनाका दुबै सवारी साधन र ग्यास बुलेट चालक नवलपुर गैडाकोट न.पा.१ बस्ने वर्ष ४२ का राजुकुमार थापा प्रहरीको नियन्त्रणमा रहेको प्रहरी जनाएको छ ।