कोरोना संक्रमित थप २ सहित १६ जना, विश्वभर २० लाख नजिक

0
88

काठमाडौं । नेपालमा कोरोना संक्रमित १६ जना पुगेको छ । पेप्सीकोलास्थित सनसिटी अपार्टमेन्टबाट अस्पताल भर्ना गरिएका दुई जनामा कोरोना भाइरस (कोभिड–१९) को संक्रमण पुष्टि भएपछि १६ जना भएको स्वास्थ्य तथा जनसंख्या मन्त्रालयले जनाएको छ । एक जनाको भने पहिलो रिपोर्ट भने पोजेटिभ नदेखिएको मन्त्रालयले जनाएको छ ।
उनीहरु २८ दिनअघि बेलायतबाट नेपाल फर्किएका थिए । सोमबार ¥यापिड टेष्टका क्रममा एन्टीबडी पोजेटिभ देखिएपछि पाटन अस्पताल भर्ना गरेर थ्रोट स्वाब संकलन गरिएको थियो । उनीहरु मध्ये दुई जना (छोरा र आमा) को रिपोर्ट आएको छ र, कोरोना संक्रमण पुष्टि भएको छ । बाँकी एक (बुहारी) को भने नेगेटिभ रिपोर्ट आएको स्वास्थ्य तथा जनसंख्या मन्त्रालयले जनाएको छ ।
कोरोना संक्रमण देखिएको परिवार अपार्टमेन्टको ‘ए’ बिल्डिङमा बस्दै आएका थिए भने अपार्टमेन्टलाई प्रहरीले शील गरेको छ । सनसिटीमा पाँचवटा विल्डिङ छन् ।
यस्तै विश्वभर १९ लाख ३४ लाख ५ सय ५७ जना कोरोना संक्रमित भेटिएका छन् । ४ लाख ५६ हजार ७ सय ३७ जना निको भई घर फर्केका छन् । कुल १ लाख २० हजार ४ सय ३८ जना कोरोनाका कारण ज्यान गुमाएका छन् ।