April 12, 2024

ल्होसारको दिन ‘खैकुन क्वोइबो’को उद्टघान हुने

December 27, 2019
ल्होसारबारे जानकारी गराउँदै संघका अध्यक्ष जगतबहादुर टु तमू गुरुङ (बायाँबाट तेस्रो) ।

भीमनगर । तमु प्ये ल्हु संघ जिल्ला शाखा चितवनको आयोजनामा तमु प्ये ल्हु संघ भीमनगर इकाई समितिले ल्होसार पर्व मनाउने तयारी गरेको छ । ल्होसारका लागि तयारी तिब्र गतिमा भइरहेको बिहीबार पत्रकार भेटघाटमा अध्यक्ष जगतबहादुर टु तमू गुरुङले बताएका छन् ।
पत्रकार भेटघाटमा बोल्दै राज्यले दिएको सार्वजनिक विदा ल्होसार कटौती गरेर आदिवासी जनजातिलाई अन्याय गरेको अध्यक्ष गुरुङले आरोप लगाए । आदिवासी जनजातिहरुको हक अधिकार राज्यले बन्चित गरे पनि हाम्रो आन्दोलन जारी नै रहेको उनले बताए । सम्पूर्ण जनजातिहरुलाई आफ्नो हक अधिकारको लागि अझै सशक्त रुपमा एकताबद्ध तरिकाले आन्दोलन पर्ने अवस्था आएको अध्यक्ष गुरुङको भनाइ थियो ।
संघद्वारा भरतपुर महानगरपालिका वडा नं. २० स्थित भीमनगरमा खैकुन क्वोइबो नाम दिइएको संरचना निर्माण गरिएको छ । उक्त संरचनाको पुस १४ गते ल्होसार पर्वमा उद्घाटन गरिने अध्यक्ष गुरुङले जानकारी दिए । उनका अनुसार जग्गाबाहेक करिब ६० लाख खर्च भएको र स्थानीयस्तरबाटै सो रकम संकलन गरिएको हो । चितवनमा हालसम्म ४ वटा क्वोइबो निर्माण गरिएको अध्यक्ष गुरुङको भनाइ छ ।
तमू प्ये ल्हु संघ चितवनले पुस १४ गते सोही क्वोइबो सम्पूर्ण तमूहरु भेला भई ल्होसार यहाँ मनाउन गइरहेको र पुस १५ गते विशेष दिन आ–आफ्नै इकाईमा भव्य रुप मनाउने तयारी भइरहेको केन्द्रीय समितिका वरिष्ठ उपाध्यक्ष तुलाराम गुरुङले जानकारी गराए । पुस १२ गते जिल्ला कार्य समिति चितवनले भरतपुरमा शुभकामना आदानप्रदान कार्यक्रम राखिएको उनले बताए ।

- ADVERTISEMENT -