रजत वर्ष मनाउँदै ग्रीनल्याण्ड स्कुल

भरतपुर । ‘गुणस्तरीय शिक्षा हाम्रो प्रतिबद्धता’ भन्ने मूल नाराकासाथ २५औं वर्ष पार गरेको अवसरमा भरतपुर–१२ मा स्थित ग्रीन ल्याण्ड पब्लिक स्कुल भरतपुरले रजत वर्ष मनाउने तयारी गरेको छ । माघ १२ गतेबाट विभिन्न कार्यक्रमहरु गर्दै २४ गते समापन गरिने बिहीबार पत्रकार सम्मेलनमा विद्यालयका प्रधानाध्यापक इन्दिरा कार्कीले बताइन् ।
सम्मेलनमा राज्यले दिएको नीति नियममा बाँधिएर काम गर्दा पनि हाम्रो योगदानको सही मूल्याकंन नभएको कार्कीले गुनासो गरिन् । राज्यले हाम्रो कदर कहिल्यै नगरेको, सधैं सौतेला व्यवहार गरेको उनले थपिन् । निजी विद्यालय सधैं समस्यै समस्याको भूमरीमा रहेको उनले दुखेसो पोखिन् ।
विद्यालय व्यवस्थापन समितिका अध्यक्ष राजकुमार कार्कीको अध्यक्षतामा मूल समारोह समिति गठन गरिएको छ छ भने २० वटा उपसमिति गठन गरिएको छ । रजत महोत्सवमा विद्यालयले साँस्कृतिक कार्यक्रम, स्मारिका प्रकाशन, सरस्वतीको मूर्ति विद्यालय परसर अनावरण, स्कुल गीत विमोचनलगायत कार्यक्रम गर्ने भएको छ ।
प्रधानाध्यापक कार्कीका अनुसार रजत महोत्सवको अवसर पारेर निर्माणाधिन गौतमबुद्ध क्रिकेट रंगशालालाई एक लाख सहयोग गर्ने भएको छ । २०५१ सालमा स्थापना भएको सो विद्यालयमा १००० बढी विद्यार्थीहरु अध्ययनरत छ ।