बैशाख २५ गतेसम्म लकडाउन, थप १० दिन

काठमाडौं । सरकारको आइतबार साँझ बसेको मन्त्रिपरिषद्को बैठकले लकडाउन १० दिन थप गर्ने निर्णय गरेको छ । मन्त्रिपरिषद्को बालुवाटारमा बसेको बैठकले लकडाउनको अवधि बैशाख २५ गतेसम्म लम्ब्याउने निर्णय गरेको एक मन्त्रीले जानकारी दिए । पूर्व घोषित लकडाउन १५ बैशाखसम्म थियो । लक डाउन सकिनै लाग्दा सरकारले उक्त निर्णय गरेको हो ।
कोभिड सम्बन्धी उच्चस्तरीय समन्वय समितिको शनिबार बसेको बैठकले लकडाउनकै कारण कोरोना संक्रमण रोकथाम गर्न सफल भएको निचोड निकालेको थियो । सोही अनुसार मन्त्रिपरिषद्ले १० दिन थप्ने निर्णय गरेको हो ।
कोरोना भाइरसको नियन्त्रण तथा रोकथामका लागि सरकारले गत चैत ११ गतेदेखि लकडाउन सुरु गरेको हो ।
थप्यो