दुई जना मृगौला पीडितलाई आर्थिक सहयोग

आँबुखैरेनी, तनहुँ । आँबुखैरेनीका दुई जना मृगौला रोगीलाई विभिन्न व्यक्ति र संस्थाले आर्थिक सहयोग गरेका छन् । दुबै मृगौला फेल भएका आँबुखैरेनी ३ का मंगल ढकाल र आँबुखैरेनी २ का भुवन तामाङलाई विभिन्न व्यक्ति र संस्थाले आज शनिबार आर्थिक सहयोग गरेको हो ।मृगौला रोगी ढकाललाई व्यास नगरपालिका १ भादगाउँका शमशेर दरै र चन्दा दरैको दम्पत्तीले नगद ४ हजार १ सय ५० रुपैयाँ सहयोग गरेका छन् । यस्तै उनलाई आँबुखैरेनी चोक बजार टोल सुधार समितिले १२ हजार रुपैयाँ आर्थिक सहयोग गरेको छ । समितिले शनिबारै अर्का मृगौला रोगी भुवन तामाङलाई पनि नगद १२ हजार सहयोग गरेको छ ।
सहयोगी दाताहरुले मृगौंला पिडीत ढकाल र तामाङले हप्ताको २ पटक डाईलासिस गराउनको लागि अस्पतालसम्म जान÷आउन यातयात र औषधी उपचारमा आर्थिक समस्या भएको स्थानीय संचारमाध्यमहरुले समाचार प्रकाशन आएपछि आर्थिक सहयोग गरिएको बताए ।