महानगरमा पहिलो पटक साइकल लेनसहितको सडक

भरतपुर, चितवन । हेल्थपोष्ट चोकदेखि प्रेम बस्तीसम्मको सडक १६ मिटरको हुने र त्यसभित्र सडक, ढल, बत्तीका साथै सुविधा सम्पन्न साइकल लेन निर्माण हुने भएको छ । भरतपुर महानगरपालिका प्रमुख रेनु दाहालले शनिबार शिलान्यास गर्दै साइकल लेन तोकिएकै समय सीमाभित्र गुणस्तरीय ढंगले निर्माण कार्य हुने बताए ।
प्रमुख दाहालले भरतपुर महानगरपालिका समग्र विकास निर्माणको लागि महानगरको श्रोत साधनले मात्र नपुग्ने भएपछि केन्द्रदेखि प्रदेशसम्म बजेट माग गरेर भए पनि योजनाहरु अगाडि बढाइएको भनाइ छ ।
महानगरकै पहलमा भरतपुर महानगरभित्र विद्युतिय तारहरू भूमिगत गर्ने र भरतपुर बिमानस्थललाई क्षेत्रीय विमानस्थलको रूपमा बिकास गरी निर्माण गर्न सफल भएको उनले भने ।
उक्त सडक निर्माणको लागि ९ करोड बजेट छुट्याएको बताइएको छ ।