May 20, 2024

संक्रमित थप ५८६, पुग्यो ७१७७ जना

June 17, 2020

काठमाडौं । नेपालमा बुधबार थप ५८६ जनामा कोरोना भाइरसको संक्रमण पुष्टि भएको छ । नियमित्र पत्रकार सम्मेलनमा विभिन्न जिल्लामा थप ५८६ जना संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।
योसँगै नेपालमा कोरोना संक्रमितको संख्या ७ हजार १ सय ७७ पुगेको छ । पछिल्लो २४ घण्टामा ९ जना पुरुष कोरोनामुक्त भएका छन् । हालसम्म १ हजार १ सय ६७ जना कोरोना मुक्त भई विभिन्न अस्पतालबाट डिस्चार्ज भएका छन् । जसमा महिला १ सय १२ र पुरुष १ हजार ५५ रहेका छन् ।
एकजनाको मृत्यु
यसैगरी नेपालमा कोरोना भाइरसको संक्रमणबाट थप एक जनाको मृत्यु भएको छ । स्वास्थ्य मन्त्रालयका अनुसार कोहलपुर अस्पतालमा एक जना महिलाको मृत्यु भएको हो । उनको मृत्युपछि कोरोना पुष्टि भएको हो । योसँगै नेपालमा मृत्यु हुनेको संख्या २० पुगेको छ ।

- ADVERTISEMENT -
- ADVERTISEMENT -
- ADVERTISEMENT -