पहिलो चार्टर्ड उडानमार्फत १५४ नेपाली स्वदेश फिर्ता

काठमाडौं । हिमालयन एअरलाइन्सको चार्टर्ड उडानमार्फत साउदीबाट १५४ जना नेपाली शुक्रबार बिहान काठमाडौं आइपुगेका छन् । दमामबाट १५४ जना नेपाली त्रिभुवन अन्तर्राष्ट्रिय विमानस्थलमा अवतरण गरेका छन् ।
साउदीमा समस्यामा परेका नेपालीको स्वदेश फिर्तीका लागि भएको पहिलो उडान हो । साउदीको दमामबाट हिमालय एअरलाइन्सले दोश्रो उडान भोलि शनिबार भर्नेछ । या उडानमार्फत स्वदेश फिर्तीका लागि २२६ प्राथमिकतामा परेका छन् ।
यस्तै साउदीको रियादबाट नेपाल एअरलाइन्सले जुन २१ तारिखमा साउदीबाट उडान भर्नेछ । यो उडानमार्फत स्वदेश फिर्तीका लागि ४४५ जनाको नाम दूतावासले प्राथमिकतामा राखेर सार्वजनिक गरेको छ ।