गोरखा । गोरखामा सोमबार दुई महिला सहित ११ जना कोरोना संक्रमित थपिएको छ । थपिएका नयाँ संक्रमितहरुमा गोरखाको भीमसेन थापा गाउँपालिकाका २ महिला सहित ५ जना, गण्डकी गाउँपालिका र शहिद लखन गाउँपालिकाको ३÷३ जना पुरुषमा संक्रमण पुष्टि भएको जिल्ला स्वास्थ्य कार्यालय गोरखाका सुचना अधिकारी राजुरमण न्यौपानेले जानकारी दिए ।
संक्रमण पुुष्टि भएकोहरुमा शहिद लखन गाउँपालिका वडा नं ६ घैरुङमा रहेको हिमाली माविको क्वारेन्टाइनमा बसेका ५१ र २३ वर्षीय छन् । सोही गाउँपालिकाका वडा नं ४ ताक्लुङका महारुद्र आधारभूत विद्यालयका क्वारेन्टाइनमा रहेका २३ वर्षीय पुरुष छन् । उनीहरु सबै भारतबाट आएका हुन ।
त्यस्तै गण्डकी गाउँपालिका वडा नं ४ फुजेलका दीर्घेश्वर माविको क्वारेन्टाइनमा बसेका १८ वर्षीय पुरुष र वडा नं ३ फुजेल भैरवाश्रम मावि क्वारेन्टाइन रहेका १९ वर्षीय पुरुष र १ जना पुरुषको पहिचान गर्ने काम भइरहेको छ ।
त्यस्तै संक्रमण पुष्टि भएका भीमसेन थापा गाउँपालिकाका २ महिला र ३ पुरुष भने यो समाचार तयार पार्दा सम्म विवरण खुल्न सकेको छैन । यो संगै गोरखामा कूल संक्रमितको संख्या ५१ जना पुगेको छ भने ८ जना निको भएर घर फर्किसकेका छन् ।
- ADVERTISEMENT -
