थपियो ६ जना कोरोना संक्रमित चितवनमा

भरतपुर, चितवन / चितवनका थप ६ जनामा कोरोना भाइरस संक्रमण पुष्टि भएको छ । भरतपुर अस्पताल कोभिड–१९ परीक्षण प्रयोगशालामा शुक्रबार गरिएको परीक्षणमा भरतपुर महानगरपालिकाका ६ जनामा कोरोना संक्रमण पुष्टि भएको हो ।
भरतपुर महानगरपालिका वडा नंं.६ का दुई जना, वडा नं. ३, ८, १६ र २७ का एक/एक जनामा कोरोना भाइरस संक्रमण पुष्टि भएको भरतपुर अस्पताल कोभिड–१९ परीक्षण प्रयोगशालाकी प्रमुख डा. नीतु अधिकारीले जानकारी दिइन् ।
उनीहरु २९ देखि ४९ वर्ष उमेर समूहका छन् । संक्रमितहरु सबै भरतपुर क्वारेन्टिनमा रहेका छन् ।
शुक्रबार चितवनका ६ र नवलपुर देवचुलीका ७ जना गरी कुल १३ जनामा कोरोना संक्रमण पुष्टि भएको प्रयोगशालाकी प्रमुख अधिकारीले जानकारी दिइन् ।
शुक्रबार कुल २२८ नमुना परीक्षण गरिएको डा. अधिकारीले बताइन् ।