तनहुँ र बाग्लुङमा थप ३ जनामा कोरोना संक्रमण

पोखरा । तनहुँ र बाग्लुङका थप ३ जनामा कोरोना भाइरसको संक्रमण भेटिएको छ । प्रदेश स्वास्थ्य निर्देशनालयका अनुसार प्रदेश क्षयरोग केन्द्र, पोखरामा गरिएको परिक्षणमा तनहुँका २ र बाग्लुङका १ जनामा संक्रमण देखिएको हो ।
उनीहरु स्वास्थ्यकर्मीको सम्पर्कमा रहेको र सम्बन्धित जिल्लाहरुमा रहेका आईसोलेसन कक्षमा लैजाने तयारी भैरहेको डा। विनोद विन्दु शर्माले बताए ।
योसँगै गण्डकी प्रदेशमा कोरोना संक्रमितको संख्या १ हजार ९१ पुगेको छ ।