जिप्रकाका एक थुनुवासहित आठ जनामा देखियो कोरोना संक्रमण

चितवन / जिल्ला प्रहरी कार्यालय चितवनको थुनुवा कक्षमा रहेका एक जनामा कोरोना देखिएको छ । भरतपुर कोभिड १९ प्रयोगशालामा शनिबार गरिएको परीक्षणमा एक जना थुनुवासहित ८ जनामा कोरोना संक्रमण देखिएको हो ।
संक्रमण देखिनेमा ६ जना भरतपुर महानगरपालिकाका हुन् भने दुई जना बाहिरबाट भरतपुरका अस्पतालमा उपचारका लागि आएका हुन । स्वास्थ्य कार्यालय चितवनका प्रमुख दिपक तिवारीका अनुसार भरतपुर महानगरपालिका वडा नम्बर १,४, १० र १५ नम्बर वडाका उनीहरु ६, २०, ३१, ३४, ३६ र ४८ वर्षका एक महिला र पाँच पुरुष हुन् ।
संक्रमण देखिएका मध्ये ६ वर्षीय बालक यसअघि संक्रमण देखिएका एकै घरको तीनजनाको परिवारका रहेका छन् ।

- ADVERTISEMENT -