संक्रमित थप ८९९, कुल ३९४६० जना

काठमाडौं / पछिल्लो २४ घण्टामा ८९९ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयको नियमित प्रेस ब्रिफिङ मार्फत थप ८९९ जनामा कोरोना संक्रमण पुष्टि भएको डा जागेश्वर गौतमले जानकारी दिनुभयो ।
देशभरको प्रयोगशालामा ११ हजार ४९० नमुना परीक्षण गर्दा ३०३ महिला र ५९६ पुरुषमा संक्रमण पुष्टि भएको उहाँले बताउनुभयो । नेपालभर हालसम्म ३९४६० जनालाई कोरोना संक्रमण भएका छन् भने २१४१० जना निको भएका छन् । त्यसैगरी संक्रमणबाट मृत्यु हुनेमा २२८ जना रहेका छन् ।