काभ्रेमा १ जनामा मात्र कोरोना पुष्टि

धुलिखेल / काभ्रेमा कोरोना संक्रमण घट्ने क्रममा छ । आज (मंगलबार) काभ्रेमा १ जनामा मात्र कोरोना संक्रमण पुष्टि भएको छ ।
स्वास्थ्य कार्यालय, काभ्रेका प्रमुख डा. नरेन्द्रकुमार झाका अनुसार धुलिखेल अस्पतालमा उपचाररत रोशी गाउँपालिका स्थायी घर भएका १ जना महिलामा कोरोना पुष्टि भएको हो ।
हिजो ९ जनामा मात्र कोरोना पुष्टि भएको थियो । हिजो सोमबार भुम्लु गाउँपालकाका २ जना महिला र २ जना पुरुष गरी ४ जना, धुलिखेल अस्पतालमा कार्यरत १ जना पुरुष कर्मचारी, स्पाइनल इन्जुरी अस्पतालमा कार्यरत अभिलेखमा रख्न छुट भएका २ जना पुरुष र २ जना महिला गरि ४ जनामा कोरोना पुष्टि भएको थियो ।
हालसम्ममा काभ्रेमा संक्रमित संख्या २ सय ८५ जना पुगेको छ । १ सय ८ जना व्यक्तिहरु उपचार पश्चात निको भई डिस्चार्ज भैसकेको भने २ जना व्यक्तिको मृत्यु भइसकेको छ ।
यसैगरि १ सय ७५ जना व्यक्ति विभिन्न अस्पतालहरु तथा होम आइसोलशनमा उपचार भईरहेको डा. झाले जानकारी दिए ।