जिप दुर्घटनामा ५ जना घाइते

चितवन । नारायणगढको मुख्य बजार सहिदचोकमा जीप दुर्घटना हुँदा पाँच जना घाइते भएका छन् । भैरहवाको लुम्बीनीबाट क्यान्सरका बिरामी बोकेर आएको लु२च ६००५ नम्बरको जीप दुर्घटनामा परेको हो । जीप आफै अनियन्त्रित भएर सडकको डिभाईडरमा ठोक्किदाँ दुर्घटना भएको जिल्ला ट्राफिक प्रहरी कार्यालय चितवनका प्रमुख दयाकृष्ण भट्टले जानकारी दिनुभयो ।
प्रमुख भट्टका अनुसार जीपमा बिरामी, तथा बिरामीका आफन्त र चालक सहित ८ जना सवार रहेका थिए । जीप आफै अनियन्त्रित भएर पल्टीँदा ५ जना सामान्य घाइते भएका छन् भने ३ जना सकुशल रहेका छन् । घाइते सबैको अवस्था सामान्य रहेको उहाँले जानकारी दिनुभयो ।