April 13, 2024

बञ्चरोले जेठाजुद्वारा बुहारीको हत्या

September 3, 2020

काभ्रे / काभ्रे जिल्लाको नमोबुद्ध नगरपालिकामा जेठाजुले बुहारीको हत्या गरेका छन् । वडा नं. ८, अधिकारी चोकमा आज बिहान ६ः३० बजे जेठाजुले बञ्चरो प्रहार गरी बुहारीको हत्या गरेको वडा अध्यक्ष शेरबहादुर तामाङले जानकारी दिए ।
वडा अध्यक्ष तामाङका अनुसार अन्दाजी ३५ बर्षीय बुहारी रञ्जना तिमल्सिना अधिकारी माथि ४२ वर्षीय जेठाजु सुदर्शन अधिकारीले बञ्चरो प्रहार गरेपछि मृत्यु भएको हो ।
स्थानीय डराउने पोखरी स्वास्थ्यचौकी कार्यालयमा तिमिल्सिना सहायक पदमा कार्यरत रहेकी थिइन् । बुधबार बेलुकासम्म पारिवारिक अंशको विषयलाई लिएर जेठाजु–बुहारीमा कलह भएको बताइएको छ ।
तामाङका अनुसार हत्यामा संलग्न भएको आरोपमा जेठाजु अधिकारीलाई श्यामपाटी प्रहरी चौकीबाट खटेका प्रहरी टोलीले पक्राउ गरेको छ । उनका अनुसार थप अनुसन्धानका लागि जिल्ला प्रहरी कार्यालय, काभ्रेका डिएसपी कुमारविक्रम थापाको टोली पनि घटनास्थलमा पुगेको जनाइएको छ ।

–तेमाल अनलाइनबाट ।

- ADVERTISEMENT -