बाघको आक्रमणबाट एकको मृत्यु

चितवन / पश्चिम चितवनको बाटुली पोखरीमा बाघको आक्रमणबाट एक जनाको मृत्यु भएको छ । मृत्यु हुनेमा भरतपुर महानगरपालिका वडा नम्बर १३ का ६० वर्षीय बाबुराम महत्तो रहेको जिल्ला प्रहरी कार्यालय चितवनका प्रवक्ता सूर्यबहादुर थापाले जानकारी दिनुभयो ।
प्रवक्ता थापाका अनुसार महतोलाई आज दिउँसो ३ बजेको सममयमा बाघले आक्रमण गरेको हो । चितवन राष्ट्रिय निकुञ्जको मध्यवर्ती क्षेत्रमा रहेको बाटुली पोखरी सामुदायिक वनमा घाँस काट्न गएको समयमा महत्तोलाई बाघले आक्रमण गरेको बताइएको छ ।
बाघको आक्रमणपछि उनको टाउको र खुट्टा मात्रै फेला परेको प्रहरीले बताएको छ । घटना स्थलबाट २ किलोमिटर पश्चिम जंगलमा उनको टाउको र खुट्टा भेटिएको प्रवक्ता थापाले बताउनुभयो ।