गाई काटेर मासु भाग लगाइरहेको अवस्थामा एकजना पक्राउ

नुवाकोट / जिल्ला प्रहरी कार्यालय नुवाकोटले गाई काटेर मासु भाग लगाइरहेको अवस्थामा एकजना पक्राउ गरेको छ । गाउँपालिका–१ उर्लेनी घर भएका ३० वर्षीय सुरेश लामा भनिने सन्चा तामाङ दोङलाई सोमबार पक्राउ गरेको हो ।
तादी गाउँपालिका–३ स्थित टुटुङमा गाई काटी भाग लगाइरहेका अवस्थामा दोङलाई पक्राउ गरेको जिल्ला प्रहरी कार्यालय, नुवाकोटका प्रहरी निरीक्षक विष्णुहरि फुयाँलले बताए ।
प्रनि फुयाँँलका अनुसार सोही घटनामा संलग्न भएका नौ भने फरार रहेका छन् । गाई काट्न प्रयोग गरिएको धारिलो घरेलु हतियारसमेत घटनास्थलबाट प्रहरीले बरामद गरेको छ । तामाङलाई जिल्ला अदालतबाट चार दिनको म्याद थप गरी घटनाको अनुसन्धान गरिएको उनले जानकारी दिए ।