नेपालमा संक्रमित थप १,३५१, निको हुने ७४२ जना

काठमाडौं / पछिल्लो २४ घण्टामा थप एक हजार ३५१ जनामा कोरोना भाइरस (कोभिड १९) संक्रमण पुष्टि भएको छ । नियमित प्रेस ब्रिफिङ मार्फत थप एक हजार ३५१ जनामा कोरोना भाइरस (कोभिड १९) संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।
प्रवक्ता डा गौतमका अनुसार १० हजार ८० जनाको पीसीआर परीक्षण गरिएकोमा एक हजार ३५१ जनाको रिपोर्ट पोजेटिभ आएको हो । पछिल्लो २४ घण्टामा ७४२ जना डिस्चार्ज भएका छन् ।
आज संक्रमित थप भएसँगै कुल संख्या ७४ हजार ७४५ पुगेको छ । संक्रमितमध्ये ५४ हजार ६४० जना डिस्चार्ज भइसकेका छन् । क्वारेन्टिनमा ६ हजार ३१० जना छन् । १९ हजार ६२४ जना सक्रिय संक्रमितको उपचार चलिरहेको छ । आइसीयूमा २२५ जना छन् भने भेन्टिलेटरमा ३१ जना रहेका छन् ।
यस्तै पछिल्लो २४ घण्टामा थप ४ जना संक्रमितको मृत्यु भएको प्रवक्ता गौतमले जानकारी दिए । योसँगै मृतक संख्या ४८१ पुगेको छ ।