अमिताभ बच्चनद्वारा अंगदानको घोषणा

एजेन्सी / अमिताभले आफ्नो अंग दान गर्ने घोषणा गरेका छन् । उनले उक्त कुराको जानकारी आफैंले ट्वीट गर्दै दिएका छन् ।
अमिताभ बच्चनले ट्वीट मार्फत अंगदान गर्ने संकल्प गरिसकेको बताएका छन् । हरियो रिबन लगाउँदै यो यसैको पवित्रताको लागि लगाएको उनको भनाइ छ ।
ट्वीटको साथसाथै अमिताभ बच्चनले आफ्नो तस्विर पनि पोष्ट गरेका छन्, जसमा उनले कोटमा एउटा सानो हरियो रंगको रिबन राखेका छन् ।
केही अघि कोरोना भाइरसबाट संक्रमित भएका महानायक बच्चन निको भएर घर फर्किसकेका छन् । उमेरले ७७ बर्षीय बलिउडका महानायक अमिताभ बच्चन पछिल्लो समय सामाजिक सञ्जालमा निकै सक्रिय छन् । सामाजिक सञ्जाल मार्फत उनले फ्यानहरू समक्ष विभिन्न पोष्टहरु सेयर गरिरहन्छन् ।
यति मात्र होइन, अमिताभ प्रशंसकहरूका प्रश्नहरूको जवाफ दिन पनि पछि हट्दैनन् । महानायक बच्चनले पछिल्लो सयम फेरि एउटा ट्विट गरेका छन् जसका कारण उनको प्रशंसा भइरहेको छ ।
उनी यतिबेला १२ औँ सिजनको ‘कौन बनेगा करोडपति’ सञ्चालन गरिरहेका छन् ।