चितवनमा ६८ जनामा कोरोना संक्रमण

चितवन / चितवनमा ६८ जनामा कोरोना संक्रमण पुष्टि भएको छ । चितवन मेडिकल कलेज कोभिड–१९ परीक्षण प्रयोगशालामा एक दिने बालक सहित ६८ जनामा कोरोना संक्रमण पुष्टि भएको ल्याब प्रमुख डा. नवीनकुमार चौधरीले जानकारी दिए ।
उहाँका अनुसार प्रयोगशालामा शुक्रबार २ सय ८१ जना मध्ये उनीहरुलाई कोरोना संक्रमण पुष्टि भएको हो । संक्रमित हुनेमा ५५ जना चितवनका रहेका छन् । भरतपुरका १९ महिला र २४ पुरुष गरी ४३ जना, रत्ननगरका ५ महिला र २ पुरुष गरी ७ जना, कालिकाका ३ पुरुष, खैरहनीका १ पुरुष र इच्छाकामनाका १ महिला गरी ५५ जना रहेका छन ।
त्यस्तै अन्य संक्रमित हुनेहरुमा गोरखा १ महिला, तनहुँ १ पुरुष, मकवानपुर १ महिला १ पुरुष, नवलपुर २ महिला ४ पुरुष ,रुपन्देहि १ महिला र सुर्खेतका १ पुरुष समेत गरी ६८ जना संक्रमित भएका हुन ।
संक्रमितहरु १ दिने बालकदेखि ८५ वर्षसम्मका रहेको अस्पतालले जनाएको छ । एक दिने बालक भरतपुर ३ का हुन् ।