अक्षयकुमार अभिनित ‘सूर्यवंशी’को प्रदर्शन स्थगित, भारतमा सिनेमा हल खुल्ने

एजेन्सी / बलिउड नायक अक्षयकुमार अभिनित फिल्म ‘सूर्यवंशी’को प्रदर्शन मिति सारिएको छ । उक्त फिल्मको प्रदर्शन तिहारमा गर्ने तयारी रहेकोमा महाराष्ट्र सरकारले भने तत्काल हलहरु सञ्चालन अनुमति नदिएकाले प्रदर्शन मिति सारिएको हो ।
भारतमा ६ महिनादेखि ठप्प हलहरु भारतको गृह मन्त्रालयले अक्टोबर १५ देखि ५० प्रतिशत अकुपेन्सीमा हल खोल्ने अनुमति दिएका छन् भने महाराष्ट्र सरकारले भने तत्काललाई अनुमति दिएको छैन ।
भारतका अन्य राज्यमा अक्टोबर १५ बाट चलचित्रहरू रिलिज भएपनि बलिउडको सबैभन्दा ठूलो बजार मानिने महाराष्ट्रमा भने हल नखुल्ने भएपछि ठूलो बजेटका बलिउड चलचित्र रिलिज हुने सम्भावना पनि टरेको छ ।
भारतीय मिडियाका अनुसार नायक अक्षयकुमार र नायिका कट्रिना कैफ अभिनित चलचित्र ‘सूर्यवंशी’लाई तिहारमा रिलिज गर्ने योजना गरिएकोमा महाराष्ट्र सरकारले अनलक–५ मा पनि हल खोल्ने अनुमति नदिएपछि यो चलचित्रको तिहारमा तोकिएको प्रदर्शन मितिपछि सारिएको हो ।