June 25, 2024

कोरोना संक्रमितले उपचारको लागि २ लाख रुपैयाँ जम्मा गर्नुपर्ने

October 21, 2020

काठमाण्डौं / काभ्रेको धुलिखेल अस्पतालमा कोरोनाको उपचार गर्न भर्ना हुनुअघि नै २ लाख रुपैयाँ जम्मा गर्नुपर्ने भएको छ । अस्पतालले कोरोना संक्रमितलाई भर्ना गर्नुअघि दुई लाख रूपैयाँसम्म नगद धरौटी राख्न सूचना जारी गरेको छ ।
अस्पताल प्रशासनले कात्तिक ३ गते जारी गरेको सूचनामा स्वास्थ्य तथा जनसंख्या मन्त्रालयको निर्णयअनुसार भन्दै संक्रमितलाई भर्ना हुनुअघि अस्पतालको नगद शाखामा धरौटी राख्न भनेको हो ।
अस्पतालले सामान्य लक्षण भएकालाई ५० हजार, मध्य जटिल बिरामीसँग एक लाख र आईसीयूमा राख्नुपर्ने बिरामीसँग २ लाख रूपैयाँ धरौटी माग गरेको छ । त्यसमा औषधि तथा रोग निदानमा प्रयोग हुने जाँच, औषधी र अक्सिजन प्रयोग गरेको खण्डमा थप रकम लाग्ने बताइएको छ ।
सामान्य लक्षण भएकालाई दिनमा तीन हजार ५००, मध्य जटिल समस्या भएकालाई सात हजार ५०० र आईसीयूमा भर्ना गर्नुपर्ने बिरामीलाई १५ हजार शुल्क लाग्ने अस्पतालले जनाएको छ । उक्त रकमबाटै अस्पतालले खाना खुवाउनेछ ।
सरकारले कात्तिक २ गतेदेखि कोरोना संक्रमतिको निःशुल्क उपचार नगर्ने जनाएको थियो । अहिले सरकारले आर्थिक रुपमा विपन्न, अशक्त, असहाय, एकल महिला, अति अपाङ्गता भएका नागरिक, जेष्ठ नागरिक र अग्रपंक्तिमा खटिनेहरूमा लक्षण देखिए मात्रै परीक्षण र उपचार गर्दै आएको छ ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -