April 13, 2024

९७ लाख चोरी गर्ने एक जना पक्राउ

November 15, 2020

चितवन / चितवनमा ९७ लाख नगद चोरी गर्ने प्रहरीले एक जना पक्राउ गरेको छ । कालिका नगरपालिका वडा नं. ६ बस्ने वर्ष ४० का कविराज थापाले ९७ लाख नगद चोरी गरेको आइतबार जिल्ला प्रहरी कार्यालय चितवनका प्रवक्ता सूर्य थापाले जानकारी दिए ।
प्रवक्ता थापाका अनुसार अनुसन्धानको क्रममा भरतपुर महानगरपालिका–९ काँडाघारीमा स्थित एपोलो पेन्टस् प्रा.लि.को सेफ (लकर) फुटाई चोरी गरेको हो । उक्त रकम निज बस्ने कोठाको खाटमुनि झोलाभित्रबाट नगद ५७ लाख र अन्य रकम सोही घरको पर्खाल नजिकै झाडीबाट प्लाष्टिकको बोराबाट ४० लाख समेत ९७ लाख फेला पारिएको प्रवक्ता थापाले बताए ।
निजबाट हेक्सा ब्लेड, फ्रेमसहित १ थान, फलामको रडबाट बनेको खुर्पी २ थान, पहेंलो÷निलो रंगको झोला १ थानलगायतको सामान पनि बरामद भएको उनले भने । पक्राउ परेका निजलाई थप अनुसन्धानका लागि चितवन जिल्ला अदालतबाट अनुमति लिई कारवाही प्रक्रिया अघि बढाइएको उनले बताए ।

- ADVERTISEMENT -