काठमाडौंमा राष्ट्रिय शक्ति नेपालले गरे राजतन्त्रको पक्षमा प्रदर्शन

काठमाडौं / राष्ट्रिय शक्ति नेपालले राजतन्त्रको पक्षमा सोमबार काठमाडौंमा प्रदर्शन गरेको छ । केही समयदेखि देशका विभिन्न भागमा पूर्व राजा ज्ञानेन्द्रका समर्थकहरुले राजतन्त्रको पक्षमा सभा र ¥यालीहरु गर्दै आएका छन् ।
राजधानीमा पनि केही दिनदेखि राजतन्त्रको पक्षमा दैनिकजसो प्रदर्शन भइरहेको छ । आज पनि राजतन्त्र समर्थकहरु माइतीघरमा राष्ट्रिय झण्डा बोकेर जम्मा भएका थिए । माइतीघरबाट बानेश्वर पुगेका उनीहरु ‘राजा जनता एक हौ’ ‘राष्ट्रिय एकता कायम गर’ भन्दै नारा लगाएका थिए ।
जबजब सरकार जनताको दैनिकसँग जोडिएका विषयलाई सम्बोधन गर्न असफल हुन्छ त्यतिखेर राजावादीहरुको सक्रियता बढ्ने गर्छ । सत्तारुढ दल नेपाल कम्युनिस्ट पार्टी आन्तरिक कलह र प्रमुख प्रतिपक्षी दल नेपाली काँंग्रेस निस्तेज अवस्थामा रहँदा राजावादीहरु सक्रिय देखिएका हुन् ।
आजको जुलुसमा पनि प्रदर्शनकारीले जनतासँग जोडिएका मुद्दालाई उठाएका थिए । सत्तारुढ दल र प्रतिपक्षी दुवैप्रति जनस्तरमा बढ्दो वितृष्णासँगै राजावादीहरुको जुलुसमा उपस्थितहरुको संख्या बढ्दो छ ।