July 25, 2024
- ADVERTISEMENT -

जाडोबाट हुने क्षति रोक्न मातहतका निकायलाई गृहमन्त्री थापाको निर्देशन

December 1, 2020

काठमाडौं / गृहमन्त्री रामबहादुर थापाले मातहतका निकायलाई हिउँदको समयमा आउने विपद् शीतलहर, हिमपातबाट हुने क्षति कम गर्न आवश्यक योजनाका साथ अघि बढ्न निर्देशन दिएका छन् ।
गृह मन्त्रालयमा मंगलबार भएको राष्ट्रिय विपद् जोखिम न्यूनीकरण तथा व्यवस्थापन कार्यकारी समितिको नवौँ बैठकमा गृहमन्त्री थापाले जोखिम रोक्न आवश्यक पूर्वतयारी र प्रतिकार्य योजनाका साथ समन्वयात्मक रुपमा अघि बढ्नुपर्ने आवश्यकता औँल्याएका हुन् । उनले सरकारको प्रमुख लक्ष्य भनेकै जाडोको समयमा हिमपात तथा शीतलहरका कारण हुने जनधनको क्षति न्यूनीकरण गर्नु रहेको उल्लेख गर्दै आवश्यक योजना निर्माण गरी कार्यान्वयनमा जोड दिए ।
गृहमन्त्री थापाले विषयगत मन्त्रालयसँगको समन्वयमा आवश्यक तयारीका काम थालिएको समेत जानकारी दिए । जाडोबाट हुने उत्पन्न परिस्थितिको सामना गर्न नीतिगत योजना निर्माण गर्दै आएको र गत वर्ष सफलतापूर्वक कार्ययोजना लागू हुँदा क्षति कम भएको मन्त्री थापाको जिकिर थियो ।
उनले कार्य क्षेत्रमा खटिने निकायलाई साधन सम्पन्न गराउने कुरामा सरकार गम्भिर रहेको प्रष्ट पारे ।

- ADVERTISEMENT -