July 13, 2024

जन्मदिनमा भूषालद्वारा छात्रावासलाई खाद्यन्न तथा आर्थिक सहयोग

February 2, 2021

चितवन / लायन्स क्लब अफ चितवन सेन्ट्रलद्वारा भरतपुर १२ स्थित ‘आमाको माया’ छात्रावासमा आश्रित बालिकाहरुलाई खाद्यन्न सामग्री र नगद सहयोग गरिएको छ । क्लबका पूर्व अध्यक्ष सन्तोषजनक भूषालको जन्मदिनको अवसरमा खाद्यन्न सामग्री र नगद सहयोग गरिएको क्लबकै पूर्व अध्यक्ष सन्दीपकुमार श्रेष्ठले जानकारी दिए ।
कार्यक्रममा पूर्व अध्यक्ष भूषालले जन्मदिनमा क्लब मार्फत खाद्यन्न तथा आर्थिक सहयोग गर्न पाएकोमा खुशी व्यक्त गर्दै आगामी दिनमा पनि सहयोग गर्दै जाने प्रदिबद्धता गरे ।
छात्रावासकी अध्यक्ष कृष्णकुमारी महर्जनले क्लबले गरेको सहयोगप्रति आभार व्यक्त गरिन् । सामाजिक संस्था तथा मनकारी व्यक्तिको सहयोगबाट छात्रावास सञ्चालन गर्न सहज भएको बताउंँदै यस प्रकारको सहयोगबाट थप उर्जा मिलेको उनले बताइन् ।
कार्यक्रम दिपकबहादुर पोखरेलको अध्यक्षतामा र संचालन अजामिन ढकालले गरेका थिए । छात्रावास २०७२ सालमा एकजना बालिकाको उद्धार गरी शुरु भएको हो भने हाल आठ जिल्लाका करिब १७ जना बालिकाहरु आश्रित छन् ।

- ADVERTISEMENT -
- ADVERTISEMENT -