July 21, 2024

सभापति देउवा चितवन आउँदै

March 18, 2021

चितवन / नेपाली कांग्रेसका सभापति शेरबहादुर देउवा शनिबार चितवन आउनु हुने भएको छ । सभापति देउवा नेपाली काँग्रेस केन्द्रिय तरुण विभागद्वारा चितवनमा आयोजना हुन गइरहेको राष्ट्रिय भेलामा आउनु हुने भएको हो ।
नेपाल तरुण दल चितवनको आयोजनामा रत्ननगर निपनीस्थित होटल स्टार बैंकटमा बिहान साढे ११ बजे कार्यक्रमको उद्घाटन हुने कार्यक्रम रहेको छ ।
उक्त कार्यक्रमको लागि सभापति देउवासँगै सहमहामन्त्री प्रकाशशरण महत, काँग्रेस तरुण विभाग संयोजक नेपाली काँग्रेसका केन्द्रीय सदस्य पूर्व मन्त्री शंकर भण्डारी, केन्द्रीय सदस्य देवेन्द्रराज कंडेलले पनि सम्बोधन गर्ने कार्यक्रम रहने बताइएको छ ।
भेलाअघि विभिन्न जिल्लाबाट सुरु हुने मोटरसाईकल ¥याली चितवन आउने बताइएको छ । पूर्वको मकवानपुर, पश्चिमको नवलपुर, दक्षिणको माडीबाट मोटरसाईकल ¥याली सुरु हुने नेपाली काँग्रेस बाग्मती प्रदेश तरुण विभागका सदस्य हेमन्त पाख्रीनले बताए । कार्यक्रमको सम्पूर्ण तयारी पूरा भएको पाख्रिनले जानकारी दिए ।

- ADVERTISEMENT -
- ADVERTISEMENT -