पत्रकार महासंघ चितवनलाई स्वास्थ्य सामग्री सहयोग

चितवन / नेपाल पत्रकार महासंघ चितवन शाखालाई स्वास्थ्य सामग्री सहयोग प्राप्त भएको छ । उद्योग वाणिज्य संघ चितवन, चितवन उद्योग संघ र लायन्स क्लब ईन्टरनेशनल ३२५ बीटुद्वारा माक्स, सेनिटाईजर र फेससिल सहयोग गरिएको हो । तीन वटै संघसंस्थाले एक÷एक सय थान माक्स, सेनिटाईजर र फेससिल सहयोग गरेका हुन् ।
उद्योग वाणिज्य महासंघका कार्यकारिणी सदस्य एवं उद्योग वाणिज्य संघ चितवनका निवर्तमान अध्यक्ष सहनलाल प्रधानले आज संघको कार्यालयमा पत्रकार महासंघका अध्यक्ष नारायण अधिकारीलाई स्वास्थ्य सामग्री हस्तान्तरण गरेका हुन् । सो अवसरमा संघका बरिष्ठ उपाध्यक्ष चुननारायण श्रेष्ठ, प्रथम उपाध्यक्ष सुमनकुमार श्रेष्ठ, द्वितीय उपाध्यक्ष चिरञ्जीवि सुवेदी, सदस्यहरु सिरिष पन्त, विकास थापा र महासंघको तर्फबाट सल्लाहकार तिलक रिमाल र उपाध्यक्ष प्रकाशमणि ज्ञवाली सहभागी रहेका थिए ।
यस्तै उद्योग संघका अध्यक्ष राजु पौडेलद्वारा महासंघको टोलीलाई स्वास्थ्य सामग्री हस्तान्तरण गरिएको हो । सो अवसरमा संघका निवर्तमान अध्यक्ष भेषराज दुवाडी, बरिष्ठ उपाध्यक्ष त्रिलोचन कँडेल, कार्यकारी निर्देशक गणेशप्रसाद सिलवाल लगायतको उपस्थिति रहेको थियो । सोही अवसरमा महासंघका अध्यक्ष अधिकारीलाई संघका प्रेस सल्लाहकारमा नियुक्त गरिएको छ भने महासंघलाई बधाई तथा शुभकामना समेत व्यक्त गरिएको थियो ।
त्यस्तै लायन्स क्लब ईन्टरनेशनल ३२५ बी २ का गभर्नर इलेक्ट रामप्रसाद भट्टद्वारा महासंघको टोलीलाई स्वास्थ्य सामग्री हस्तान्तरण गरिएको छ । सो अवसरमा डिष्ट्रिक कोअर्डिनेटर, दिननाथ न्यौपाने, लायन्सका कोभिड प्रोटेक्सन टिमका संयोजक सिद्धार्थलाल चुके, क्याबिनेट ट्रेजरर नारायणप्रसाद शर्मा, लायन्स लिडरहरु कमलप्रसाद श्रेष्ठ, खोमकान्त रेग्मी, सुरेश श्रेष्ठ, शिव पण्डित, बालगोपाल चुके र प्रशान्तकुमार पियाको उपस्थिति रहेको थियो ।
महासंघले प्राप्त सामग्री आजैबाट सदस्यहरुलाई वितरण सुरु गरेको छ । यी सामग्री एक लाख ५० हजार रुपैयाँ बराबरका रहेका छन् । उक्त स्वास्थ्य सामग्री कोरोना माहामारीको समयमा अग्रभागमा रहेर सूचना प्रवाह गर्ने पत्रकारहरुलाई सहयोग गरिएको हो ।