जापानमा रहेका नेपालीबाट अक्सिजन प्लान्ट निर्माणको लागि २ लाख ६३ हजार सहयोग

काभ्रे / काभ्रे जिल्लाको चौंरीदेउराली गाउँपालिकाद्वारा सञ्चालित धुसेनी शिवालय प्राथमिक अस्पतालमा अक्सिजन प्लान्ट निर्माणको लागि जापानमा रहेको नेपालीहरुले आर्थिक सहयोग गरेका छन् । विभिन्न कामको सिलसिलामा जापान पुगेका चौंरीदेउरालीबासी नेपालीहरुले २ लाख ६३ हजार ७ सय ५९ रुपैयाँ सहयोग गरेका हुन् ।
जापानमा रहेका चौंरीदेउराली–५, बाँजेका आरएच गौतमका अनुसार आफूहरुले जनस्तरबाट अक्सिजन प्लान्ट निर्माण गर्नको लागि गाउँपालिकाले सहयोगको लागि गरेको अपिल अनुसार सहयोग गरेको बताए । ‘कोभिड–१९ को प्रकोपले हाम्रो समाजलाई दिएको दुःख र दवावको प्रतिरोध गर्नका लागि अक्सिजन प्लान्टको अत्यावश्यक महशुस गरि हाम्रो चौरीदेउराली गाँउपालिकाले जनस्तरबाट निर्माण गर्नको लागि अपिल गरे अनुसार हामीहरुले पनि सकेको सहयोग गरेका हौं ।’ गौतमले भने ।