बैंकको एटीएम तोडफोड गर्ने एक जना पक्राउ

चितवन / बैंकको एटीएम तोडफोड गरी चोरी गर्न खोज्ने एकजना पक्राउ परेका छन् । माछापुच्छ्रे बैंक टांँडी शाखामा रहेको एटीएम तोडफोड गर्ने एकजनालाई पक्राउ गरेको जिल्ला प्रहरी कार्यालय चितवनले जनाएको छ ।
प्रहरीका अनुसार पक्राउ पर्नेमा रत्ननगर नगरपालिका वडा नम्बर २ आर्दशनगरका पुष्प भनिने भरत परियार हुन् । उनले मंगलबार राति १२ः३० बजेतिर एटीएम बुथ भित्र छिरेर तोडफोड क्रममा प्रहरीले नियन्त्रणमा लिन खोज्दा परियार भागेका थिए ।
सिसीटीभी फुटेजको आधारमा परियारलाई खोज्ने क्रममा बुधबार बिहान ११ बजे रत्नननगर नगरपालिका वडा नम्बर २ एफएम डांँडाबाट पक्राउ गरिएको कार्यालयका प्रहरी नायब उपरीक्षक नरहरि अधिकारीले बताए । परियारलाई नियन्त्रणमा लिई थप अनुसन्धान कार्य भइरहेको प्रहरीले बताएको छ ।