अक्षय अभिनित ‘बेलबटम’को ट्रेलर सार्वजनिक

एजेन्सी / बलिउडमा खेलाडीको रूपमा चर्चित कलाकार अक्षय कुमार अभिनित चलचित्र‘बेलबटम’ को ट्रेलर सार्वजनिक भएको छ ।
अक्षय कुमारले सामाजिक सञ्जालमा पोस्ट गर्दै ट्रेलर सार्वजनिक भएको जानकारी दिएका हुन् ।
चलचित्रमा अक्षय कुमारको साथमा वाणी कपुर, हुमा कुरैशी र लारा दत्ताको शीर्ष भूमिका रहेको छ । चलचित्रमा वाणी कपुरले अक्षयकी पत्नीको भूमिका निर्वाह गरेकी छिन् ।
चलचित्र सन् १९८४ मा भएको प्लेन हाइज्याकको घटनामा आधारित रहेको छ । लगातार पाँच पटक प्लेन हाइज्याक भएपछि भारत सरकारले यस अप्रेसनका लागि एक जासुस ल्याएको थियो । जसको कोड नाम बेल बटम थियो ।
चलचित्रलाई रंजित तिवारीले निर्देशन गरेका हुन् । चलचित्र १९ अगस्टमा रिलिज हुनेछ ।