July 13, 2024

मकवानपुरमा ८५ जना थप संक्रमित, एक जनाको मृत्यु

August 9, 2021

मकवानपुर / मकवानपुरमा सोमबार थप ८५ जनामा कोरोनाभाइरस (कोभिड–१९) संक्रमण पुष्टि भएको छ । जनस्वास्थ्य कार्यालय मकवानपुरका अनुसार २०५ जनाको एन्टीजेन र पीसीआर परीक्षण गर्दा ८५ जनामा कोरोना संक्रमण पुष्टि भएको हो ।
संक्रमण पुष्टि हुनेहरुमा सबैभन्दा धेरै हेटौँडा उपमहानगरपालिकाका रहेका छन् । त्यहाँ ७१ जनामा कोरोना संक्रमण पुष्टि भएका छन् । यसैगरी संक्रमण पुष्टि हुनेमा थाहानगरपालिकाका ८ जना, कैलाश गाउँपालिकाका एक जना, मनहरी गाउँपालिकाका ३ जना र बकैया गाउँपालिकाका २ जना रहेको जनस्वास्थ्य कार्यालयले जनाएको छ ।
जिल्लामा यससँगै कोरोना संक्रमितको कूल संख्या १४ हजार २३ जना पुगेको छ । तीमध्ये हालसम्म १२ हजार ७ सय ४५ जना कोरोना संक्रमणमुक्त भएका छन् । संक्रमण मुक्त हुनेमा हेटौँडाका ५७ जना, थाहानगरपालिकाका ८ जना, मकवानपुरगढी गाउँपालिकाका ५ जना, कैलाश गाउँपालिकाका एक जना, मनहरी गाउँपालिकाका ४ जना, भीमफेदी गाउँपालिकाका दुई जना र राक्सिराङ गाउँपालिकाका एक जना रहेका छन् ।
यसैगरी, जिल्लामा हालसम्म कोरोना संक्रमणका कारण मृत्यु हुनेको कूल संख्या १४९ जना पुगेको छ । जिल्लामा आज थप १ जना कोरोना संक्रमितको मृत्यु भएसँगै मृतकको संख्या १४९ जना पुगेको हो । मृत्यु हुनेमा हेटौँडा उपमहानगरपालिकाका रहेका छन् ।

- ADVERTISEMENT -
- ADVERTISEMENT -