July 21, 2024

गैँडाकोट इङलिस स्कुलले कक्षा ११ को पढाई सञ्चालन गर्ने

August 13, 2021

गैंडाकोट / नवलपुर जिल्लामा स्थित गैँडाकोट इङलिस स्कुलले यस वर्षदेखि कक्षा ११ को पढाई सञ्चालन गर्ने भएको छ । यसै शैक्षिक सत्रदेखि कक्षा ११ को पढाई सुरु गर्न लागिएको स्कुलका प्राचार्य हिरालाल अर्यालले जानकारी दिए ।
पूर्वी नवलपरासीको गैँडाकोट नगरपालिका वडा नं. २ मा रहेको नयाँ भवनबाट होटल म्यानेजमेन्ट र कम्प्युटर साईन्स विषय सहितको ब्यवस्थापन संकायमा विषयमा भर्ना सुरु गरिएको प्राचार्य अर्यालले बताए ।
उनका अनुसार अनुभवी र तालिम प्राप्त शिक्षकहरुले प्रोजेक्टरको माध्यमबाट अध्यापन गराउने भएकोले विद्यार्थीहरुले आधुनिक तवरले सिकाइ गर्न सकिने छ ।
गैँडाकोट इङलिस स्कुलले यस क्षेत्रकै पहिलो अन्तर्राष्टिय स्कुलको अवार्ड प्राप्त गरी अब्बलको परिचय दिन सफल भएको हो । स्कुल नगरकै पहिलो बालमैत्री विद्यालय समेत भएको उनको दावी छ । आधुनिक सुविधासम्पन्न भवन र शान्त वातावरणमा परियोजनामा आधारित शिक्षण गर्दै विद्यार्थीहरुलाई पाठ्यक्रम लगायत अतिरिक्त विश्व बजारमा जागिर तथा व्यवसाय गर्न आवश्यक सिपको विकास गराउने विद्यालयको लक्ष्य छ ।

- ADVERTISEMENT -
- ADVERTISEMENT -