धारिलो हतियार बोकी हिँड्ने दुई पक्राउ

चितवन / धारिलो हतियार (तरबार) बोकी हिँड्ने दुईजनालाई प्रहरीले पक्राउ गरेको छ । रत्ननगर नगरपालिका वडा नं. ११ सित्तलटोलको कच्ची सडकमा धारिलो हतियार बोकी हिँड्दै गरेको अवस्थामा आइतबार राति करिब १० बजे उनीहरु पक्राउ परेको जिल्ला प्रहरी कार्यालय चितवनले जनाएको छ ।
प्रहरीका अनुसार पक्राउ पर्नेमा सोही ठाउँ बस्ने वर्ष ३२ का सरोज तामाङ र वर्ष २० का समिर नेपाली रहेका छन् । उनीहरुको साथबाट २ फिट ८ इन्च धारिलो हतियार बरामद गरिएको छ ।
उनीहरुलाई चितवन जिल्ला अदालतबाट म्याद थप गरी अनुसन्धान सुरु गरिएको प्रहरीले जनाएको छ ।