नेपालमा थप ३०४२ संक्रमित, संक्रमणमुक्त २२४४ जना

काठमाडौं / पछिल्लो २४ घण्टामा नेपालमा थप ३०४२ जनामा कोरोना संक्रमण पुष्टि भएको छ । देशभरका प्रयोगशालामा गरिएको १७ हजार ६५४ जनाको पीसीआर र एन्टीजेन परीक्षण गर्दा ३ हजार बयालिस जनामा कोरोना संक्रमण पुष्टि भएको शुक्रबार प्रेस ब्रिफिङ मार्फत स्वास्थ्य तथा जनसंख्या मन्त्रालयले जानकारी दिए ।
यस्तै दुई हजार २४४ जना संक्रमणमुक्त भएका छन् भने २६ जना संक्रमितको मृत्यु भएको छ । देशभर ४० हजार ३०९ जना सक्रिय संक्रमित रहेको स्वास्थ्य मन्त्रालयले जनाएको छ ।
तीमध्ये ३६ हजार ९२२ होम आइसोलेसनमा रहेका छन् । संस्थागत आइसोलेसनमा ३ हजार ३८७ भने ७१४ जना आइसियुमा र १७१ जनाको भेन्टिलेटरमा राखि उपचार भईरहेको छ । देशभर ४४६ जना क्वारेन्टाइनमा रहेको स्वास्थ्य मन्त्रालयले जनाएको छ।