निर्वाचन संयोजकको जिम्मेवारीबाट अलग भए अध्यक्ष थापा

काठमाडौं / राष्ट्रिय प्रजातन्त्र पार्टी (राप्रपा) अध्यक्ष कमल थापा पार्टीको स्थानीय तह निर्वाचन परिचालन समितिको संयोजकबाट अलग भएका छन् ।
थापाले आज (शनिबार) बिहान सामाजिक सञ्जालमार्फत राप्रपाको ‘स्थानीय तह निर्वाचन परिचालन समिति’ को संयोजकको जिम्मेवारीबाट अलग हुने निर्णय गरेको जानकारी दिएका हुन् ।
उनले उक्त जिम्मेवारी अध्यक्षद्वय पशुपति शम्शेर राणा र डा.प्रकाशचन्द्र लोहनी मध्य एक जनालाई लिन आग्रह गरेका छन् ।
साथै उनले अध्यक्षद्वयले जिम्मेवारी नलिएको अवस्थामा पार्टीका अन्य कुनै वरिष्ठ नेतालाई संयोजक बनाउन भनिएको छ ।