गैँडाकोटका विद्यालयहरुमा पढाइ सुरु

गैँडाकोट / लामो समयदेखि बन्द रहेका पूर्वी नवलपरासीका निजी तथा सामुदायिक विद्यालयहरु आइतबारदेखि सञ्चालनमा आएका छन् । केही विद्यालयहरु आईतबारदेखि सञ्चालनमा आएका छन् भने केही विद्यालयहरु छिट्टै नै सञ्चालन आउने तयारीमा रहेका छन् ।
गैँडाकोट नगरपालिका भित्रका केही विद्यालयहरु सञ्चालनमा आएको हो । गैँडाकोट नगरपालिकाको नगर शिक्षा समितिले आईतबारदेखि स्वास्थ्य मापदण्ड अपनाई विद्यालयहरु खोलेर भौतिक रुपमै पढाई सुरु गर्न सक्ने अनुमति दिएपछि विद्यालयहरु सञ्चालन भएका हुन् ।
नगरपालिकाको पहिलो बालमैत्री विद्यालयको रुपमा परिचय बनाएको गैँडाकोट ईङ्लिस स्कुुलमा आईतबारदेखि भौतिक रुपमै पढाई सुरु भएको छ । स्वास्थ्य मापदण्ड अपनाएर विद्यालय खोलिएको प्राचार्य हिरालाल अर्यालले जानकारी दिए ।
लामो समयपछि विद्यालय खुलेपछि विद्यार्थीहरु दंग परेका छन् । कोभिड–१९ का कारण यहाँका विद्यालयहरु लामो समयदेखि बन्द रहेका थिए ।