ताइवानमा १३ तले भवनमा आगलागी, ४६ जनाको मृत्यु

काठमाण्डौ / दक्षिणी ताइवानमा एक भवनमा आगलागी भएको छ । आगलागीमा कम्तीमा ४६ जनाको ज्यान गएको बताइएको छ । काउशुङ्ग सहरमा १३ तले भवनको माथिल्लो तालमा फ्ल्याटमा आगलागी भएको हो । धेरै मानिसहरू हताहत भएको बताइएको छ ।
फायर ब्रिगेड (दमकल दल) का अनुसार तल्लो तलामा उपयोगमा नआउने सामान थुपारिएको हुँदा उद्धार कार्यमा समस्या आएको र आगो निभाउन चार घण्टाभन्दा धेरै समय लागेको बताएको छ ।
७९ जनालाई अस्पताल पु¥याइएको दमकल दलले बीबीसीलाई बताएका छन् । त्यस भवनमा एक सय जनाभन्दा धेरै मानिस बस्दै आएकामा धेरैजसो वृद्ध र अशक्त रहेका बताइएको छ ।
आगलागीको कारणबारे अझै थाहा भएको छैन । त्यस भवनमा रहनेहरूले एक विस्फोटको आवाज सुनेको बताएका छन् ।