नेपालमा थप ५१३ मा कोरोना पुष्टि, ८१७ जना संक्रमणमुक्त

काठमाडौं / पछिल्लो २४ घण्टामा नेपालमा थप ५१३ जनामा कोरोना भाइरस संक्रमण पुष्टि भएको छ । स्वास्थ्य तथा मन्त्रालयका अनुसार पीसीआर विधिबाट ४ हजार ९७२ र एन्टिजेन विधिबाट १ हजार ९५९ जनाको परीक्षण गर्दा ५१३ जनामा कोरोना संक्रमण पुष्टि भएको हो ।
यससँगै नेपालमा कुल संक्रमितको संख्या पीसीआरबाट ८ लाख ८ हजार ५३४ र एन्टिजेनबाट ९३ हजार ९८० जना पुगेको छ । यस्तै, थप ८१७ जना कोरोना संक्रमणमुक्त भएका छन् । यससँगै कुल कोरोना संक्रमण मुक्त हुनेको संख्या ७ लाख ८६ हजार ६३० जना पुगेको छ । निको हुने दर ९७.३ प्रतिशत रहेको छ ।
त्यसैगरी कोरोना संक्रमणबाट थप ८ जनाको मृत्यु भएको छ । नेपालमा कोरोनाबाट ज्यान गुमाउनको कुल संख्या ११ हजार ३४५ पुगेको छ । हाल देशभर सक्रिय संक्रमितको संख्या १० हजार ५५९ रहेको छ ।