एमाले भरतपुर महानगरको प्रथम अधिवेशन ओलीले उद्घाटन गर्ने

चितवन / नेकपा एमाले भरतपुर महानगर कमिटीको प्रथम अधिवेशनको भरतपुरमा तयारी पूरा भएको छ । भोलि सोमबार हुने सो अधिवेशन नेकपा एमाले पार्टी अध्यक्ष केपी ओलीले उद्घाटन गर्ने कार्यक्रम रहेको छ ।
पार्टी अध्यक्ष ओलीले एमालेको १०औं महाधिवेशनको उद्घाटन स्थल नारायणी किनार र बन्द सत्र स्थल सौराहामा पनि भोलि नै अवलोकन गर्ने कार्यक्रम रहेको बताइएको छ । यस्तैगरी मंगलवार माडी स्थित रामजानकी धामको अवलोकन तथा सोही स्थानमा सम्बोधन गर्ने कार्यक्रम रहेको छ ।
भोलि हुने महानगरको अधिवेशनले पार्टीको ४ सय ६ सदस्यीय नयाँ नेतृत्व समेत चयन गर्ने नेकपा एमाले चितवन कि अध्यक्ष पार्वती रावलले जानकारी दिइन् । पत्रकार सम्मेलनमा नेकपा एमाले बागमती प्रदेश सह इन्चार्ज काशीनाथ अधिकारी, केन्द्रीय सदस्य तथा महानगर इन्चार्ज देवी ज्ञवाली, जिल्ला अध्यक्ष पार्वती रावल, महानगर अध्यक्ष रामप्रसाद न्योपाने लगायतको उपस्थिति रहेको थियो ।