पललाई थप १२ दिन हिरासतमा राख्न आदेश

काठमाडौं / अभिनेता पल शाहलाई थप १२ दिन हिरासतमा राखेर अनुसन्धान गरिने भएको छ । जिल्ला अदालत तनहुँले अभिनेता शाहलाई थप १२ दिन हिरासतमा राखेर अनुसन्धान गर्न आइतबार अनुमति दिएको हो ।
जबरजस्ती करणी गरेको आरोपमा पक्राउ परेका पल शाह यसअघि दिइएको ७ दिनको समय थपिएको थियो । ७ दिन अपुग भएपछि प्रहरीले म्याद थपका लागि उपस्थित गराएकोमा थप १२ दिन समय पाएको हो ।
शाहलाई १७ वर्षीया किशोरीले आफू पटक–पटक बलात्कार र यौन दुव्र्यवहार गरेको भन्दै जिल्ला प्रहरी कार्यालय तनहुँमा जाहेरी दिएपछि पक्राउ परेका हुन् । फागुन १५ मा उनी जिल्ला प्रहरी कार्यालय तनहुँमा उपस्थित भएका थिए । शाहविरुद्ध इलाका प्रहरी कार्यालय नवलपुरमा पनि फागुन १५ मा अर्को जाहेरी परेको छ ।