कमलनगरको चार तले घरमा आगलागी, करोडौं क्षति भएको अनुमान

चितवन / चितवनको अति व्यस्त बजार कमलनगर अवस्थित एक बजारको चार तले घरमा आगलागी भएको छ । आगलागीबाट उक्त बजारको ६ पसल जलेर नष्ट भएको वडा प्रहरी कार्यालयले जनाएको छ ।
प्रहरीका अनुसार आगलागीबाट पहिलो तलामा रहेका सबै पसल जलेको र दोस्रो र तेस्रो तलामा रहेका पसलमा पनि क्षति पुगेको छ । उक्त आगलागी आज बिहान (बिहीबार) साढे २ बजेदेखि सुरु भएको हो भने आगलागी अझै नियन्त्रणमा आइ नसकेको प्रहरीले जनाएको छ ।
उक्त आगलागी नियन्त्रणका लागि भरतपुर महागरपालिका, खैरहनी नगरपालिका, कावासोती नगरपालिका र नेपाल आर्मीको दमकलले प्रयास गरेको हो । आगलागीबाट इलेक्ट्रोनिक्स, किराना, जुत्ता लगायतका पसलमा क्षति पुगेको छ भने करोडौंको क्षति पुगेको अनुमान गरिएको छ ।