२ लाख २८ हजारको अवैध चाँदीसहित एक पक्राउ

चितवन / चितवनको भोजाडमा अवैध १७९ तोला अवैध चाँदीसहित एक जना पक्राउ परेको छ । भरतपुर ११ स्थित भोजाड पदमपुर सडकखण्डमा चेकजाँचको क्रममा उक्त चाँदीसहित मंगलबार एक जना पक्राउ परेको जिल्ला प्रहरी कार्यालय चितवनले जनाएको छ ।
चितवन प्रहरी प्रवक्ता नरहरि अधिकारीका अनुसार पक्राउ पर्नेमा राप्ती नगरपालिका ११ स्थायी भई हाल नवलपुरको गैंडाकोट नगरपालिका ५ बस्ने २४ वर्षीय कुमार विक हुन् ।
प्रहरीले बिना बिलको दुई लाख २८ हजार हजार १९७ रुपैयाँ बराबरको १७९ तोला २८ लाल अबैध चाँदीका गर–गहना र चाँदी बरामद गरेको हो । पक्राउ परेका विक सवार प्र ०३–००२ प ७०६६ नम्बरको पल्सर मोटरसाइकल पनि बरामद गरिएको छ ।
विक र बरामद चाँदीसहित आवश्यक कारवाहीको लागि राजस्व अनुसन्धान कार्यालय पथलैया बारा पठाइएको डिएसपी अधिकारीले जानकारी दिए ।