राष्ट्रपति भण्डारीद्वारा बकर ईदको शुभकामना व्यक्त

काठमाडौं / राष्ट्रपति विद्यादेवी भण्डारीले इस्लाम धर्मावलम्बीहरूको पर्व ईद उल अज्हा (बकर ईद) को शुभकामना दिएकी छिन् । राष्ट्रपति भण्डारीले आइतबार एक सूचना जारी गर्दै मुस्लिम धर्मालम्बीहरुको सुख, शान्ति तथा समृद्धिको कामना गरेकी हुन् ।
राष्ट्रपति भण्डारीले मुस्लिम समुदायको ठूलो चाडको रूपमा रहेको इद उल अज्हा (बकर इद) संयमता, धैर्यता, विश्व शान्ति र भाइचाराको सन्देश दिने चाड भएकाले यो पर्व एक आपसमा खुसी, सद्भाव तथा शुभकामना आदानप्रदान गरी मनाउन आग्रह गरेकी छन् ।
यस्तै, उपराष्ट्रपति नन्दबहादुर पुन पासाङले पनि मुस्लिम धर्मालम्बीहरूको सुख, शान्ति तथा समृद्धिको कामना होस् भनि शुभकामना दिएका छन् । उपराष्ट्रपति पुनले नेपाल बहुजातीय, बहुभाषिक, बहुधार्मिक, बहुसांस्कृतिक तथा भौगोलिक विविधतायुक्त विशेषताले भरिपूर्ण मुलुक भएको भन्दै विभिन्न समुदायका चाडवाड, रितीरीवाज र धर्म संस्कृतिले आपसी सहिष्णुता र राष्ट्रिय एकतालाई बलियो बनाउँदै आएको बताएका छन् ।
उनले भाइचारा र पारिवारिक मिलनको रूपमा मनाइने इस्लाम धर्मवलम्बीहरूको महान् पर्व इद–अल–अधाले राष्ट्र निर्माण, राष्ट्रिय एकता, धार्मिक सहिष्णुता, सामाजिक सद्भाव, आपसी मित्रतालाई सुदृढ गर्नेमा आफु विश्वास रहेको बताए ।