काठमाडौं। फिफा विश्वकप २०२६ को क्वार्टरफाइनलमा इंग्ल्यान्डले नर्वेमाथि २–१ को पुनरागमन जित निकाल्दै आठ वर्षपछि सेमिफाइनलमा स्थान सुरक्षित गरेको छ।
आइतबार बिहान मियामीमा सम्पन्न रोमाञ्चक खेलमा सुरुआती अग्रता लिए पनि नर्वे त्यसलाई जोगाउन नसक्दा पहिलोपटकको क्वार्टरफाइनल यात्रा त्यहीँ टुंगिएको हो।
- ADVERTISEMENT -
खेलको ३६औँ मिनेटमा एन्ड्रियास स्केल्डेरुपले गोल गर्दै नर्वेलाई अग्रता दिलाएका थिए। तर पहिलो हाफको इन्जुरी समय (४५+२ मिनेट) मा जूड बेलिंघमले उत्कृष्ट गोल गर्दै इंग्ल्यान्डलाई खेलमा फर्काए।
निर्धारित ९० मिनेटमा थप गोल हुन नसकेपछि खेल अतिरिक्त समयमा पुगेको थियो।
- ADVERTISEMENT -
अतिरिक्त समयको ९३औँ मिनेटमा बेलिंघमले व्यक्तिगत दोस्रो गोल गर्दै इंग्ल्यान्डलाई २–१ को निर्णायक अग्रता दिलाए। त्यसपछि दुवै टोलीबाट गोल हुन नसक्दा इंग्ल्यान्ड विजयी बन्दै अन्तिम चारमा पुग्न सफल भयो।
यस जितसँगै इंग्ल्यान्डले सेमिफाइनलमा अर्जेन्टिना र स्विजरल्यान्डबीच हुने क्वार्टरफाइनलको विजेतासँग प्रतिस्पर्धा गर्नेछ। पहिलोपटक विश्वकपको क्वार्टरफाइनलसम्म पुगेको नर्वे भने प्रभावशाली प्रदर्शनका बाबजुद प्रतियोगिताबाट बाहिरिएको छ।
