चितवन / विभिन्न कारणबाट हराएका करिब सवा ५ लाख पर्ने २१ वटा मोबाइल चितवन प्रहरीले फेला पारेका छन् । फेला परेका २१ वटा मोबाइल सम्बन्धित धनीलाई मंगलबार सम्बन्धित धनीलाई हस्तान्तरण गरिएको जिल्ला प्रहरी कार्यालय चितवनले जनाएको छ ।
उक्त मोवाईल फोन हराएको निवेदनको आधारमा खोजतलास गरी चितवनसहित काठमाण्डौ, पर्सा, नवलपरासीमा उक्त मोबाइलहरु फेला पार्न चितवन प्रहरी सफल भएको हो ।
प्रहरी प्रवक्ता नरहरि अधिकारीका अनुसार हराएका मोवाईलहरु आइफोन, सामसुङ, रेडमी, ओप्पो, भिभो, पोको ब्रान्डका मुल्य रु. १४ हजारदेखि १ लाख २५ हजार सम्म पर्ने रहेका छन् ।
प्रहरीले यसअघि पनि हराएका मोबाइल फेला पारी सम्बन्धित धनीलाई बुझाउंँदै आएको छ ।
