युनियन लाइफले दीर्घरोगीलाई बिमा नगराउने, बानियाँले पाए साढे ६२ हजारको चेक

चितवन / मृत्युपश्चात दिइने जीवन बिमाको रकम ६२ हजार पाँच सय रकम बराबरको चेक बासुदेव बानियाँले प्राप्त गरेको छ । भरतपुर–२, क्षेत्रपुरमा अवस्थित सिद्धि विनायक बचत तथा ऋण सहकारी संस्था लि. (साकोस) ले बिहीबार बानियाँलाई ६२ हजार पाँच सय रकम बराबरको चेक हस्तान्तरण गरेको हो ।
उनलाई साकोसका सदस्य पम्फा बानियाँको गत वर्ष मंसिर १८ गते मृत्यु भएको जीवन बिमा वापतको रकम दिइएको हो । उनी मृतक पम्फाकी श्रीमान् हुन् ।
सो अवसरमा बोल्दै युनियन लाइफ इन्स्योरेन्स कम्पनी लि.का शाखा प्रमुख भीमलाल पौडेलले दीर्घरोगीलाई बिमा गराउँदा संस्थालाई बिचार पु¥याउन आग्रह गरे । कम्पनीले स्वस्थ मानिसको मात्रै जीवन बिमा गराउने भएको हुँदा दीर्घरोगीहरुको हकमा भविष्य हुने समस्यालाई मध्यनजर गर्नुपर्ने उनको भनाइ थियो ।
कार्यक्रममा संस्थाका व्यवस्थापक विकास पौडेलले साकोसका हरेक सदस्यलाई विगत दुई वर्षदेखि बिमा गराउँदै आएको जानकारी दिए । हरेक सदस्यलाई मृत्युपश्चात संस्थाले दिने क्रिया खर्च १२ हजार पाँच सय र जीवन बिमा वापतको ५० हजार गरी कुल ६२ हजार पाँच सय दिएको उनले बताए ।
सो अवसरमा संस्थाका सचिव मुकुन्दप्रसाद गौतम, कोषाध्यक्ष जयराम पाण्डे, संचालक सदस्य सीता सापकोटा, राहत उपसमितिका संयोजक रामप्रसाद घिमिरे लगायतको उपस्थिति थियो ।