११ जनाको कोरोना जाँच गर्दा ८ मा पोजेटिभ

संखुवासभा / संखुवासभामा ८ जना कोरोना संक्रमित बिरामी फेला परेको छ । स्वास्थ्य कार्यालय संखुवासभाका अनुसार मादीको नगर अस्पतालमा संकास्पद ११ बिरामीको परीक्षण गर्दा ८ जनामा संक्रमण देखिएको हो ।
कार्यालयका प्रवक्ता रोशन श्रेष्ठले जिल्ला बाहिरबाट आएकाहरुमा कोरोना भाईरसको लक्षणसँग मिल्ने बिरामी पाएपछि एन्टिजेन्टबाट परीक्षण गरिएको बताए ।
हाल कोरोना संक्रमितहरुलाई नगरपालिकाको निगरानीमा होम आईसोलेसनमा राखिएको उनले बताए । जिल्लामा सबै पालिकाहरुमा कोरोना परीक्षण गर्ने तयारी गरेको उनले जानकारी दिए ।
सबै स्थानीय तहहरुमा तालिम प्राप्त ल्याबका कर्मचारी र आवश्यक सामग्री पर्याप्त ब्यवस्था गरिएको छ । जुनसुकै बेला शंकास्पद बिरामीको परीक्षण गर्न सकिने उनले बताए ।